Shillong, Kyllalyngkot 14: Ki Samla ka Kur Ryntathiang kum ka dak ban rakhe ia ka ka sngi ki Samla ka National Youth Day kata haka 12/1/17 kila pynlong ia ka jing ia lehkmen da ka jing ialehkai football kaba la pynlong ha ka madan Nongthliew.
Ha kane ka sngi la wan ia shim bynta da ki samla ka kur na kylleng ki dong na East bad na West, bad la wan ia shim bynta haduh san tylli ki team bad kiba la rung sha ka final ki long ka Combine Nongkhlaw bad Nongthliew pyrshah ia ka Krang.
Haka klylla step baroh ar kila ia khun tyngeh bad ym shim don mano mano ban lah ban thep. Bad ha kaba kut ka kylla mied ruh ym don ba lah ban thep namar baroh ar ki long kiba ia kyrshan borbah ia lah ka kynhun bad dei ha ka jing ia shut tie-breaker ba ka krang ka la lah ban pynliem ia ka Combine da san la saw.
Bad kum shi bynta ka jingthmu jong kane ka programme ka long ban ialap ia ki samla ka kur kumno ban wanrah ia ka jing ia tylli para kur bad ka jingthmu ka long ba kum ki samla kin lehkmen ha ka jinglong samla ka jong ki da kaba pyndonkam hok ia la ki jong ki sap ki phong bad ban pyni ruh sha ki kumno ba kin im ia ka jingim kaba bha ha ka imlang ka sahlang bad kumno kin nang ban iadei para briew khamtam kum ki khun samla kiba long ka lawei ia ka kur bad ia ka jaitbynriew hi baroh kawei.
Ha ka juh ka por ka Samla Kur Ryntathiang ka shim ia ka kabu ban ai khublei snem thymmai kaba suk kaba kmen bad kaba Wanrah ia ka jingbha ha ka kur hi baroh kawei, bad ka ai khublei ruh ia kiwei ruh ki para kur u Snem Thymmai basuk ba kmen ia ki ruh kumjuh.
