Shillong, Risaw 22: Ka sorkar Meghalaya kala kwah ban buh ia ka State Zoo, ha Umtrew, hapoh jong ka Ri Bhoi District bad ia kane ka jingpynkhreh kala long naduh u snem 2005 hynrei haduh mynta ym pat lah ban iohi ki dak ki shin ba la sdang ia kane ka jingtrei, kaba sah mynta ka long sa katno snem ka state zoo ha Umtrew kaba hap hapoh jong ka Ri Bhoi District ka tnad khlaw kan pyndep.
Katkum ka jingpynkhreh jong ka tnad khlaw jong ka sorkar jylla kane ka jaka ban shna ia kane ka state zoo kan long kumba 56 hectares bad ka jingmang pisa ban pyndep ia kane ka jingtrei baroh kan kot sha ka T.19 klur ei ei bad ka sorkar kala dep ban pynlait tang T.17 klur.
Ka jingtrei kala sdang ban iaid shuwa jong u snem 2010 bad na ka liang jong ka tnad khlaw kala kwah ban pyndep ia kane ka state zoo ha u snem 2011 hynrei mynta la poi 2016, ym pat lah ban iohi ia ki dak ba kane ka jaka buh kyrpang ia ki mrad kan dep.
Hooid, n aka liang jong ka tnad khlaw ha pdeng kitei ki snem kala ia kynduh shibun ki jingeh ha kaba iadei bad ki jingbit baroh kiba dei na ka sorkar pdeng, hynrei kumba ka long mynta kane ka state zoo kala sdang ban jah sa ka kyrteng.
