Shillong, Nailur 28: U myntri rangbah ka jylla u Dr Mukul Sangma la shai ka sngi yn leit ban jurip ia ka Iewduh ha ka por shiphew baje mynstep.
Ia ka jingthmu jong u myntri rangbah duh ym lah ban tip kaei kaba u mut ban leit ban jngoh ia ka Iewduh hynrei la sngewthuh ba ka jingthmu ka long ban ia treilang bad ka hima mylliem kumno ban pynitynnad ia kane ka iew kaba heh duh ha ka jylla Meghalaya.
Dang ha ka sngi saitjain u myntri kam pynroi Sor u Bah Rooni V Lyngdoh u la leit ban jngoh ia ki saw dong sawkum jong kane ka iew bad ka jingthmu ka long ban ia treilang bad ka hima mylliem kumno ban pynkhuid ia ka.
