Shillong, Nailar 09: Ki saw tylli ki skul kiba don ha ka thain Umphyrnai , ka Loreto Mery Ward, ka RCLP Upper Primary School , Umpyrnai Presbyterian School Bad ka Sunrays Upper Primary School Upper mynta ka sngi kila ioh ia ka jingiarap da ki computer na u Bah Christopher Rani.
Haba kren ha kine ki jingialang ha kine ki saw tylli ki skul u bah Rani u la ong ba kane ka long ka jingthrang na ka liang ka jong ki kum ka kynhun ban ai jingiarap ia ki skul da ki kor computer namar kane ka juk ka long kaba don kam ban ia ki kor computer.
Ha ka juh ka por u la kyntu ia ki khynnah skul ba kin but ia ki rule ki ain jong ka skul khnang ba la shai la shisngi kin long briew man briew kumba ki haba ki pyniaid ia ki jingialehkai ki don ki rule ki ain bad ki hap ban but kumta ruh kum ki khynnah skul ki dei ban long kiba kohnguh ia ki nongpyniaid.
Na ka liang jong ki nongpyniaid ia kine ki skul kila pynpaw ia ka jingsngewnguh ia u Bah Rani bad ia ka kynhun jong u uba la lah ban leh ia kane ka kam ban ai jingiarap ia ki da ki computer. Ha kane ka sngi la don lang ruh ki precipal jong kine ki skul na baroh saw tylli ki skul ha ka jingiadon lang ruh ki rangbah shnong.
