Shillong, Naitung 20: Mynta ka sngi u General Manager ka Food Corporation ka Ri India (FCI) u Devesh Kumar Yadev u la ong ba kila sam ia u khaw “Fortified” sha ki lai tylli ki jylla , ka Meghalaya, Tripura bad Mizoram.
Haba kren ha ki lat pathai khubor mynta ka sngi la ong ba ka jingmang khaw ia ka jylla Meghalaya ha ka shibnai ka long 12862 MT, u kew 1829 MT, sha Tripura 19428 u khaw bad 3174 u kew, ha Mizoram 5480 u khaw, kane ka dei na ka National Food Security Act.
Haba phai sha ka jylla Meghalaya ka FCI ka kwah ban pynkiew ia ka jingbuh khaw ha kane ka jylla sha ka 39326 MT. Ki jaka buh khaw ka FCI kiba don ha ka jylla ia mynta ki ngiam tang 20,000 MT, ki ban dang shnong kin ngiam 19,180 MT.
Ki jaka buh khaw ki ban dang shna ki long, ha Mendipathar 5000 MT, Nongstoin 5000 MT, Khliehriat 2500 MT, Sohra 3340 Mt bad ha Zikzak 3340 MT. Ki jaka buh khaw kiba don mynta ki long ha Baghmara2500 MT, ha Byrnihat 5000 MT, ha Sohryngkham 5000 MT, ha Shillong 5000 MT, kaba dang shna 5000 MT ha Sohryngkham bad 2500 MT ha Tura.
