Shillong, Naitung 13: Ha ka jingwan jong u shongknor jong ka Khadi and Village Industries Commission (KVIC) u Manoj Kumar sha jylla Meghalaya mynta ka sngi u la sam ia ki tiar trei kiba dei da ka light sha ki 20 ngut ki samla pule kiba shah hikai ha Don Bosco Technical School, Shillong.
Ia kane ka jingialang ban sam ia kine ki tiar la pynlong ha katei ka jaka pule ha ka jingiadon lang u S.S Sil, Deputy Chief Executive Officer, KVIC North East Zone, u Phadar Rev. Arcadius Puwein, Principal, Don Bosco Technical School, ha ka jingiadon lang kiwei kiwei de.
Kine ki tiar kiba la sam mynta ka sngi ki dei ki tiar light bad kane ka jingsam ia kine ki tiar ka long ban ai ka jingkyrshan ia ki samla kiba dang shah hikai ha kane ka skul ban pyntbit ha ki jinghikai. Kane ka long ka jingkyrkhuh ia kitei ki samla pule kiba la shah hikai.
