Shillong, Jymmang 14: U Bah Sanbor Shullai MLA jong ka 19th South Shillong Constituency u la sam ia ki work order sha ki kynhun bapher bapher kiba dei hapoh jong ka Constituency kaba dei na ka skhim SUWP kaba long ar klur tyngka.
Ki kynhun bapher bapher kiba la ioh ia ka work order ki long kum ka balang committee, Puja Committees, Monastery Committees , Mandir Committees,Temple Committees, Gurudwara Committees, Dorbar Shnong committees, Sports Social bad Cultural Organizations bad kiwei kiwei kiba hap hapoh jong ka constituency.
Kane ka pisa kaba ar klur tyngka kaba la pynlait paidbah da u MLA jong katei ka jaka ka dei na ka skhim Special Urban Work Programme (SUWP) kaba ar klur tyngka ia kaba la ia tip paidbah kum ka MLA skhim ia kine ki wor order la aiti sha ki committee bapher bapher lyngba jong u Bah Anthony Marwein Secretary jong ka MCIC.
Ha ka jingkren jong u Bah Sanbor u la kyntu ia baroh ki committee ba kin pyntrei kam ia ki skhim ha ka rukom kaba biang na ka bynta ka jingmyntoi jong ki paidbah ba bun balang. La ong ba ia ka rukom pyntrei kam kine ki skhim ki dei ban long kiba shai kdar na ka bynta ka jingiatip lang jong u paidbah ha ki jaka ba pyntrei kam ia ki.
