Tura, Nailur 05: Ki nongtrei jong ka Garo Hills Autonomous District Council (GHADC) ha ka sngi sdang jong ka jingkhih ba khlem buh por ka jong ki mynta ka sngi, kim shym la ai lad ia u Chief Executive Member (CEM) U Denand T Sangma bad ia u Deputy CEM ba kin rung ha ophis trei kam khlem da siew shuwa ia ka tulop jong ki.
Palat hajar ngut kinongtrei jong ka GHADC kila ia ieng ha khmat jong ka ophis jong ka GHADC bad khanglynti ia baroh ki executive members jong ka GHADC ba kin rung sha ki kamra trei kam jong ki bad ki dawa ba dei ban sniew noh ia ka tulop jong ki nongtrei kaba la shah mynta la jan 10 bnai.
Ha kane ka sngi ki nongtrei jong ka GHADC kila bah bad khun bad kti sha jaka trei ban ia shim bynta ha kane ka jingpakhang ophis namar ka jingbym lah ka EC ban siew ia ka tulop jong ki ha kaba ki la shem jingeh shibun ban pyndap ia ka iing ka sem ka jong ki.
Ha ba kren ha u SP News Agency, u Chief Executive member jong ka GHADC, u Denand T Sangma, u la ong ba na ka liang jong ka EC kan pyrshang ban ia kren bad ki ba ki dei ban weng noh ia kane ka jingiakhih kajong ki kaba kila shim da ka Non-Corporation Movement kaba kila sdang mynta ka sngi.
Halor ka jingkynnoh pyrshah ia ka EC ba kala siew bill ia ki contractor ka long kaba khlem nongrim kaei kaba kila siew ka dei tang ia ki jingdon kam kyrkieh kaba ka ophis ka don kam man ka sngi.
