Shillong, Rymphang 14: Ka tnad Enforcement Directorate jong ka sorkar pdeng kaba dei peit ia ka ia rukom pynlut pynsep ha kaba ia dei bad ka pisa sorkar mynta ka sngi kala wan shim ia ki kot ki sla baroh na ka president jong ka CSWO ka kong Agnes Kharshiiing ba ia kane ka km yn shimti noh da kane ka tnad ka sorkar pdeng ban tohkit ha kaba ia dei bad ka jingujor halor ka kam tah sialih ha kaba ia dei bad ki kam hapoh ka tand pule puthi bad ka jingiathied khyndew hapoh jong ka News Shillong Township.
Ki heh jong ka sorkar pdeng kiba la shim ia ki kot ki sla mynta ka sngi ki dei na ka Regional Office Enforcement Directorate, Guwahahti, ki kot kiba kila shim mynta ka sngi ka long ia ka FIR bala ai da ka president jong ka CSWO, ka jingthohkit ka CBI bad ia ka kaiphot kaba ka CBI ka shem.
Ka kong Agnes kala iathuh ba kine ki ophis jong ka Regional Office jong ka Enforcement Directorate, kila ai ka jingkular ba ka ophis kan sa ai ia ka jingujor sha ki bor ba dei peit bad kin sa register case ia kane ka kam mynta u bnai lane ha u bnai ban wan, na ka liang jong ka President jong ka CSWO kala ai ia ki kot ki sla kiba ha kaba ia dei bad kitei ki ar tylli ki jingujor kiba ka CSWO kala ia khun mynta la palat snem.
Ka kong Agnes kala iathuh ruh ba kine ki ophisar jong ka Enforcement Directorate kila ai ka jingkular ba lada ki shem ba kane ka jingujor jong ka seng CSWO kaba kila ia ksaid baroh shikatta ki long kiba shisha na ka liang jong ka ophis kan sa knieh lut ia ki jingdon jingem jong baroh kat kiba ia don kti ha kane ka kam tah sailih bad thied jaka hapoh jong ka NST.
