Shillong, Jylliew 27: U wei u khynnah samla ba la tip kyrteng kum u Vicky Kharsohnoh u ba dang 20 snem ka rta u la sdien phasi ia lade ha iing sah jong u ha Pynthorbah, la rah ia u mar mar sha Nazareth Hospital Shillong, hynrei na ka liang jong ki bor ba dei peit ia kane ka hospital ki la pynbna ba u la dep iap lypa ha lynti.
Ha kawei ka pat ka jingjia kawei ka kali Hyundai Santro mynta ka sngi ha ka por mynstep kala leit ban tynrah ia kawei ka kali ar shaka ha kaba ka nongniah kala mynsaw bad la kit ia ka sha Civil Hospital ban phah sumar ong ka khubor pulit.
