Shillong, Risaw 17: Ka seng BJP jong ka Meghalaya State Unit mynta ka sngi kala pynbna ia ki kyrtong MDC jong ka seng ban ia khun ha kane ka election MDC shiteng samoi ka ban long ha ka 13 Nohprah 2016.
Ki kyrtong ki long u Bah, Hubert Marbaniang un iakhun na Laban-Mawpren Constituency, Ka kong Mamiry Nongkhlaw na Nongkrem constituency, Bah Kyntiewlang Syiemlieh na Nongspung-Sohiong Constituency, u Bah Councellor Singh Wahlang, na Nongkhlaw-Mairang Constituency, Bah Thandarsingh Warjri na Pariong-Mawthadraishan Constituency bad u Bah Debenstar Pariong na Rambrai-Jyrngam Constituency.
U Bah David Kharsati Genenral Secretary jong ka BJP Meghalaya state Unit, u la ong ba ka jingiashim bynta jong ka BJP ha kane ka Election ka long ban pynkhlain ia ka District Council, kumba ka long mynta ka don hapdeng ka jingma kaba khraw.
La ong ba la don kiba kwah ban pynduh noh ia ki District Council, hynrei na ka liang jong ka BJP ka kwah ba kine District Council ha ka jylla ki dei ban dang khlain bad ban dang hap ban ai bor shuh ia ki. Kine ki jingjia hapoh ki District council ban pyni ba ki long kiba tlot ka dei na ka daw jong ki sorkar kiba la leit noh baroh kiba khien dewthala ia ki khlem da ai bor.
Katkum ka Para kaba 14 jong ka kyndon kaba 3 jong ka Sixth Schedule kala kren shai kdar ba ka don ka kabor da ka sorkar jylla ka long ban ia bor ia ki District Council, hynrei baroh ki sorkar ha kip or kiba la leitnoh bad mynta ruh ki ia leh ban khem ia ki bor jong ki District Council.
Ka jingiashim bynta jong ka BJP ha kane ka election mynta ka long ban pynsngtewthuh bad ban don ka jingkit khlieh ha kaba shimti ia ka kam bad kane ka long ruh ka jingtynjuh ha kaba ia dei bad ka MLA Election kaban long ha u snem 2018.
