Tura, Naitung 15: Ki paidbah jong ka shnong Jambal kaba hap hapoh jong ka Rongjeng Police Station kila ioh kem bad bom shnong ia ki san ngut ki nonglute haduh ba kin da iap ong ka khubor pulit.
Kane ka jingjia kala long ha kine ki sngi kiba la dep hynrei na ka liang jong ka shnong kala pyntip sha ki pulit jong ka Rongjeng mynta ka sngi la ong ba kine ki briew ki la wan ryngkat ki tiar siat bad kila dawa pisa na ki paidbah bad haba iohi ia kane ki paidbah kila kem ia ki bad na kine san ngut ki la iap ha kane ka jingiabom shnong.
Kine ki riew sniew kila wan bad dawa ba dei ban siew pisa sha ki bad kida siat sha suin ban pynma ia ki paidbah hynrei ki paidbah kila bitar kila kem ia ki bad bom haduh ba kin da iap katba kiwei pat kila lait phet noh. Ki pulit kila leit sha katei ka shnong ban shimti ia ki met iap.(SP News)
