Shillong, Naitung 14: Mynta ka sngi u Working President ka seng Hynniewtrep National Youth Movement (HNYM) u bah Donlang Nongbri u la leit ban jubab ha khmat jong ki pulit ka Lumdingjri Police Station kiba la khot ha jir ia u hapoh ka kyndon 160/175 jong ka CrPC.
Kane ka jingshah khot hajir ka dei halor ka jingkren paidbah jong u ha ka jingialang kaba la long ha Motphrah ha u Naiwieng ha u snem 2022 halor ka jingjia ha Mukroh ha kaba san ngut ki briew kila khlad na ka jingshah thombor ha ki Pulti Assam ha ka 5/11/2022.
U bah Donlang Nongbri haba kren ha ki lat pathai khubor ha dien ba la dep ba jubab ha khmat ki pulit la ong ba, ka jingkren kaba la kren ha ka jingialang paidbah ha Motphran ka dei tang ka jingpynsngew kam dei ba kila leh kumta, kane ka jingiakren ka mih ka long ba kim lah ban iohi ba ki briew na ka shnong Mukroh kin shu duh ei iala ka jingim ha kti ki pulit.
Kum u nongialam ka seng u la ong ba kam don kum katta ka jingthmu ka dei tang kaba shukren, ia kane la kren shai ha khmat jong ki pulit kiba khot hajir mynta ka sngi, kane ka jingwan ruh ka long ba ki ia trei lang da kaba kohnguh ia ka jingkhot hajir.
Ha kane ka sngi la synran lang da u President ka seng u bah Louis Dohtdong ha kaba u la ong ba ha ka jingshihsa ki pulti kim ban pynbun kam ha kaba khot hajir ia ki seng bhalang hynrei ki dei ban iada ia ki briew ha khmat pud, ha kane ka sngi kiwei ki kdhot jong ka seng halor kane ka jingshah khot hajir jong u nongialam ka seng.
