Shillong, Jylliew 18: Ka KSU jong ka Mawlai circle mynta ka sngi ka la pynlong ia ka jingialang ha ka ophis jong ka KSU seng kmie ha kaba iadei bad ka jingshah beh seng noh u samla Donbok Khar lyngdoh, bad ka jingshah beh seng noh jong u ka dei halor ka jing pynkhein jong u ia ki kyndon bad ki rukom trei kam jong ka seng.
U bah Biangbor lyngdoh paliang Sect ha ba kren ha kane ka sngi u la ong Ka KSU Mawlai Circle hi haduh mynta ka khyllip matruh ka dang shaniah tylli beit ha ka jingpyniaid jong ka seng kmie kaba hapoh ka jingialam u president u samla Daniel Khyriem.
U la ong ruh ki jingkynnoh baroh da u president barim ka KSU Mawlai Circle u u samla Donboklang Kharlyngdoh ia ka KSU jong ka Mawlai circle bad ruh ia ka seng kmie baroh ka long ka bym don nongrim ei ei.
Ki president bad ki dkhot na ki unit bapher bapher jong ka KSU Mawlai Circle ki la ia poi ha ka tei ka jingialang bad ma ki ruh da ka wei ka jingmut ki shaniah beit ha ka jingpyniaid jong ka KSU seng kmie.(SP News)
