Jowai, Naitung 02: Ka Jaintia Students’Union (J.S.U) ka pynpaw iaka jingsngewkhia halor ka jing jynjar jongki samla pule ban ioh rung klass hapoh Kiang Nangbah Govt. College, Jowai namar ka jingkhapngiah ka college bad duna ki seat khamtam haka BA 1st Year bad Cl-XI Arts.
Kane ka jingjynjar ban ioh rung klass hapoh kane ka college kala iaid mynta la lai saw snem mynshwa, hynrei naka liang ka sorkar bad ka tnad pule puthi kamdon satia ka jing bah khlieh namar wat la ki samla pule ki kiew da ki spah ngut bad ka ba sngewsih ka long ba naduh ki karma klass haduh ki nonghikai kin eh beit kumjuh daki phew phew snem mynta.
Mynta ka kynti naka liang ka JSU kala dep iakren sani bha bad ki nongialam jongka KNGCSU bad kumjuh iaki students’ Leader (Senior students) ban wad iaki lad ki lynti ban pynioh rung klass ia baroh ki samla pule ki bym pat ioh Admission, bad naka liang ka KNGCSU bad ki students leader ki la leh ia kaba donkam ha kaba ki la dep ia kynduh
ia u Director ka Higher & Technical Education ha kane ka taiew bala deplem bad ka jingthoh ban dawa ban pynioh rung klass iaki samla.
Kumta ngi shaniah beit haki nongialam jongka KNGCSU & Students Leader ban leh ia kane kam, bad ngi kyrmen bad aka jingiatrei lang jong ka Principal, Khlempep kane ka jing eh kan jah noh, bad ngi kyrpad ia ki kmie ki kpa jong kito ki samla ki bym pat ioh rung klass ban long kiba iaishah bad ap sa katto katne sngi.
Ha ka juh ka por ka JSU ka maham lypa ba lada jia ba ki samla pule kim ioh ban rung klass bad bteng ia ka jing pule kum ka seng kam banse ban leh da kaba tyngeh.(SP News)
