Shillong, Risaw 12: Mynshuwa ki ong ba u ne ka briew bym nang ban thoh kyrteng kidei ki bym nang bym stad, hynrei mynta imat kajuk kala kylla ki bym nang computer kin long ki briew ki bym don ia ka jingmang jingstad. Ka sorkar Meghalaya mynta kala don ha ka jingpyrkhat ba shen kan sa shim ia ka rai ba kitokiba apply kam sorkar ki dei ban nang computer.
Ki thymmei khubor kiba ki iathuh ha u SP News Agency , ka long ba ka sorkar mynta ka dang don hapdeng ka jingpyrkhat ban pynlongnoh ba baroh kiba apply kam sorkar ki dei ban nang computer, khamtam ha kito ki kam kiba la khot da ka MPS bad ki DSC.
Ia mynta kila don katto katne tylli kit and sorkar, haba ki khot applikoshon na ka bynta ki kam kiba lait ha ki ophis jong kila buh ia ka kyndon ba kiba apply ki dei ban nang computer, kumno ban type bad ban pyndon kam ia ka computer.
Dang shen haba ka tand sam marbam mar dih jong ka sorkar jylla kala khot aplokoshon n aka bynta ki kam kiba lait hapoh jong katei ka tnad sorkar kala buh ia ka kyndon ba kito kiba apply ki dei ban mang computer, bad ia kane ka rukom la leh ruh ha kiwei kit and jong ka sorkar jylla.
Hynrei kumba ka long mynta, kam pat don kano kano ka rai ban shim da ka sorkar ba kino kino kiba apply ha ki kam sorkar ki dei ban long kiba la nang computer, hynrei ki thymmei khubor ki iathuh ba imat ka sorkar shen kan sa shim ia kane ka rai ba kiba apply ki dei ban nang computer namar baroh ki ophis mynta kila trei da ki kor computer.
