Shillong, Nailur 01: U Dr Mukul Sangma myntri rangbah ka jylla u la ong ba ka cabinet kala ia kren mynta ka sngi ban pynlong ia ka election MDC shiteng samoi, hynrei ym shym la iathuh pat ia ka por namar ki dang hap ban phah ia ka jingthoh sha u Lat ka jylla ban ioh ia ka jingmynjur.
U Bah Prestone Tynsong, myntri ba dei peit ia ka tand District council Affair (DCA) u la ong ba ynda la ioh ia ka jingmynjur jong u Lat ka jylla kin sa pyntip paidbah ha kaba ia dei bad kane ka election MDC shiteng samoi tang ba kan nym slem shuh.
Haba ia dei bad ka KHADC, la iathuh ba na ka liang jong ka KHADC ruh kala mynjur ban pynlong ia ka election bad ia ka shithi ban ong ba kim pat kwah ban pynlong election kaba la thoh sha ka sorkar ruh la shim noh da ka KHADC.
Ka cabinet kaba la long mynta ka sngi kala shim ia ka rai ban pynlong ia ka election MDC shiteng samoi bad ia ka jingthoh kin phah sha u Lat ban ioh ia ka jingmynjur, ynda la ioh ia ka jingmynjur kin sa pynbna ia ki sngi lano ka sngi thep vote kan long.
