Mawkyrwat Kyllalyngkot 10: Ka South West Khasi Hills District Volleyball Association kum shibynta ban kyntiew iaka jingialehkai Volleyball hapoh jong Ka Jylla bad kumjuh ruh kum shibynta ban pynsah jongkynmaw ia uwei naki Syiem jongka Hima Maharam kan pynlong iaka 1st Bamon Sing Syiem Open to All Volleyball Tournament 2017.
Ia kane ka jingialehkai la khmih lynti ba kan Sa sdang noh ha Ka taiew banyngkong jong u bnai February mynta u snem. Ha kane ka Tournament na Ka liang jongka Association ka khot sngewbha ym tang iaki Affiliated Club napoh Ka District hynrei kynthup ruh ia baroh kyllum lang la Ka long iakiwei pat ki Sports Club, Ki Club shimet bad kiwei kiwei napoh jong Ka District bad na bar ruh ban wan iashimbynta.
Ha kane ka Tournament , kano kano ka Sports Club ne Team shimet lada ki kwah ban iashimbynta ki dei ban siew iaka bai rung kaba long Rs. 1,000/- kawei ka team bad ka Total Cash Prize Ka long Rs. 23,000/-. Ka tarik ba khatduh ban pdiang ka long haka 27.01.2017 bad na bynta ki jingtip ba kham bniah Sngewbha phun ia u number 8014181864 bad 9615503264.
Kane ka long katkum ka kyrwoh kaba la phah da u bah Bah Forwardman Nongrem, Vice President, South West Khasi Hills District Volleyball Association.
