Shimkhia ka HFU halor ka Piggery Mission, sdang da ka jingpynshai ha Nongstoin

Shillong, Risaw 14: Kum shi bynta ban pyntreiam ia ka ka mission ban ri sniang (Piggery Mission) ka seng nongrep Hill Farmers Union (HFU) ka la shimkhia ban pynurlong ia kane ka mission bad ha ka sngi saitjain ka la pynlong ia ka jingialang ban pynshai paidbah lane ka awareness program halor kane ka kam. Ha kan ka sngi la wan ban iashim bynta da ki dkhot jong ki cooperative society kiba don ha West Khasi Hills District.

Nalor ki nongialam jong ka HFU Central body, u Principal Secretary uba dei khmieh i aka veterinary bad kumjuh ruh ia ka corporation u GHP Raju (IPS) u la iadon lang ha kane ka sngi kum u kongsan. Haba kren kum u kongsan ha kane ka sngi u Raju u la pynpaw ia ka jingsngewkmen ban ioh ban iashim bynta ha kane ka jingialang ba la pyniaid da ka HFU West Khasi Hills District.

U la iathuh ba ki don lai bynta kiba donkam tam na ka bynta ban pyntreikam ia kane ka mission ri sniang. Kaba nyngkong ka long ban ri sniang na ka bynta ban pynkha ia ki khun sniang, kaba ar ka long ban rai sniang na ka bynta ban pynheh na ka bynta ban bam soh bad kaba ark a long ruh na ka bynta ban pynmih ia ki jingbam sniang.

Ha kaba iadei bad ka jingbym biang ki doctor bad ki dawai u Raju u la ong ba ka sorkar kana sa ai jinghikai ia ki samla kiba la nang la stad ba kin long kum ki nongiarap ki ban ai dawai ia ki sniang haba ki pang ki shitom. Na ka bynta ban pyntreikam ia kane ka mission u la kyprad ia ka HFU ban iatreilang bad ka sorkar.

Ha kane ka sngi la ioh ruh ia kajingkren na ki ophisar jong ka tnad corporation doctor na ka tnad veterinary, na DC office West Khasi Hills District bad la ioh ruh ia ka jingkren na u General Secretary jong ka seng kmie HFU u bah Allfondbirth Kharsyntiew, bah Lumlang Kharsyiemlieh General Secretary jong ka HFU West Khasi Hills District bah, Z Tympuin President jong ka HFU West Khasi Hills District bad ia ka jingialang la pyniaid da u President jong ka HFU sengkmie u bah Commander Shangpliang.

What Next?

Recent Articles

Leave a Reply

Submit Comment

*