Jowai, Nailur 16: Ki ar tylli ki Shnong kiba hap hapoh ka Laskein Block kata ka Shnong Khonshnong bad ka Shnong Pyntei kila mad iaka jingsahdum tliw mynta la palat 6 Bnai eiei mynta.
Ki Nongialam ka KSU Laskein Circle myn hynne ka sngi kila leit ia kynduh ia u Deputy Commissioner ka West Jaintia Hills District u Abhishek Bhagotia naka Bynta ban kyntu jur ia utei u khliehduh ka District ban tuklar lem halor katei ka kam.
Haka jingiakynduh ia u DC naka Liang ka KSU kala pynpaw hakhmat jong u ba ki paidbah kitei ki ar tylli ki Shnong kila mad iaka jingdum tliw bad bun ki kam ki jam kila thut lut naka jingbymdon light ha kitei ki Shnong.
” Ka jingbymdon light ha kitei ki Shnong kala ktah jur ruh iaka pule ka puthi ki khynnah skul bad ka ktah ruh wat iaka jingkoit jingkhiah ki khynnah namar ki hap pyndonkam ban ioh jingshai mynmiet daka umphniang sharak haba pule puthi mynmiet bad ki hap ruh ban ring mynsiem wat iaka tdem kaba mih naka sharak ruh” la ong ki Nongialam ka KSU Laskein Circle.
Ki Nongialam ka Seng ki la ong ruh ba kadaw ba duh light haka Tei ka Shnong ka dei naka daw ba la duhnoh u Transformers hakatei ka Shnong .
Na ka Liang u DC ula kular ban shimkhia iakatei ka kam naka bynta ban iakren bad ka ophis MeECL bad u la ong ruh ba ka Shnong ka hap ban siew la kumno kumno 70% iaka bai Bill Light khnang ba ka Ophis MeECL kan lah ban pynioh Transformer hakitei ki Shnong.
