Shillong, Jymmang 05: Ka Balang katholik kala buh ia u bnia Jymmang u bnai ban pyndon burom ia ka kmie jong u blei ka Maria Thesoti, ka Parish Pynthorumkhrah kala pynlong ia ka jingiaid prosession maria ha kaba ki riew ngeit kila ia shim bynta da ka jingriewblei.
Ha kane ka sngi ki don 84 ngut kiba la ioh ban pdiang ia ka communion kaba nyngkong kaba dei ka met bad ka snam u Jisu Khrist ha kane ka sngi leh burom ia ka kmie bneng, ia ka jingleh niam la pyndep ia ka mass bakhuid da u Sohblei Laurence Nongkseh ia kaba la don lang u sohblei Carmel Myrthong bad u Sohblei Allister Marweiñ.
Ha kane ka sngi palar hajar ngut ki paid riew ngeit kila ia shim bynta ha ka jinglehniam ka mass bakhuid bad ha ka jingiaid proseesion kaba la sdang na iing mane bad iaid sawdong ka shnong Lumshyiap bad pynkut ha iing mane ha Pynthorbah da ka jingkyrkhu na ka sakrement ba khuid.
