Khweng, Nailar 20: Ka jingiakop tong doh kha bad ka khwai doh kha da ka dustur tynrai jong ka shong Khweng kaba la long mynta ka sngi, ha katei ka shnong kaba hap hapoh jong ka Ri Bhoi District ka long kaba ia phyla ha kaba ki nongwan ia shim bynta ki long ki kynthei bad ki rangbah.
Ka jingpynlong ia kane ka jingiakop tong doh kha bad khwai doh kha ha ka dustur tynrai ka long ban pynneh pynsah ia ka rukom tong doh bad khwai doh jong u men ba rim da kaba pyndon kam da ki jingrim kaba ki briew kane ka thain kila ioh pateng na ki tynmen hyndai.
Kane ka jingia kop ka long pher na kiwei pat ki jingiakop ha kane ka juk kaba mynta, kane ka rukom tong doh kha ka long kaba la jan baroh ki briew hapoh jong ka Ri Bhoi District ki tip, ha kaba ki kynthei rangbah bad ki khynnah ruh ki juh leit ban tong ki wah lane na ki ruh jong ki pyntha kba ha ka por lyiur.
Ha kane ka sngi ki nongwan ia shim bynta kim dei tang ki briew jong ka shnong Khweng hynrei kila don ruh ki briew kiba na shabar jong ka shnong. Kane ka jingwan ia shimbynta jong ki briew ha kane ka sngi ka long ban pyni sha ka pyrthei ba haduh mynta ki dang bat iala ka jong ka rukom tang dohkha na ki wah kiba rit bad na ki pynthor kba.
Kine kiba wan baroh ki hap ban shim ia ka tiket na ki nongpyniaid jong ka bad ia ka jingmih na kane ka jingiakop khwai doh kha ha ka rum tynria la jong kan leit sha ka shnong.
