Shillong, Rymphang 19: Mynta ka sngi u National President ka party National People Party (NPP) u Conrad K Sangma u la leit ban jngoh ia u kpa jong u kyrtong ka NPP ba la shah siat na tyrpeng ha ki riew sniew mynne mynmiet ia kaba la pynkit sha Hosptial ban sumar.
U National President ka NPP u Conrad la ong ba katei ka jingjia ka long ha Wangkhei Assembly Constituency bad kiba siat kila wan leh ia kane ka kam runar ha iing jong u kyrtong bad la pynkit ia u kpa ba shah siat ha Shilja Hospital ha Imphal.
Halor kane ka jingjia na ka liang jong ka NPP kan ia kynduh ia u Chief Electoral Officer jong ka jylla Manipur mynta ka sngi por 3.30 baje noh phai sngi, ha ka juh ka por ka seng kan ujor sha ka Election Commission jong ka Ri India bad ka Tnad kam pohing ka sorkar pdeng.
U Cornad u pynrem jur ia kane ka jingjia bad ka long kaba ym lah ban pdiang, kane ka jingleh ka kren shai ba don katto katne ki briew kila sngewkut lat, ha ka synshar paidbah ngiet skhem ba pynpaw ia ka jingsngew da ka jignkren bad da kaba leit ban ia shim bynta ban thep vote.
Na ka liang jong ka NPP ka dap da ka jingsngewkhia kaba jur halor kine ki jingjia ha kane ka election MLA mynta ka Manipur, la ong ka jingleit ialap ielekshon jong sha Manipur ka dei ka sin kaba san hynrei kam pat juh jia koit kumba jia mynta.
Ia kum kine ki jingjai hap ban pynsangeh, ka sorkar pdeng, ka Election commission ka dei ban shimkhia ia kane ka jingjia bad ka dei ban leh ei ei ban pynthikna ba ka ilekshon kan long kaba khuid bad ba iaid beit, kum ka party kan sa shim khia ia kane bad ka tnad kam poh iing ka sorkar pdeng.
