Shillong, Rymphang 09: Ka tnad shipai ban iada ia ki khappud ki shipai BSF mynta ka sngi ha ka por mynstep kila siat bad pynhap ia ka Drone kaba wan na Pakistan ban rung sha India, ki BSF kiba don ha Panjgrain kila siat bad pynhap ia katei ka Drone.
Haba la siat bad pynhap ia ka Drone ki shipai BSF kila wad ia katei ka drone bad la shem ba la hap ha ka shnong Ghagar bad ha Singhoke bad ia kine ki ar tylli ki jingsong kiba la hap na ka Drone la lap da ka pyndon kam ia ki ksew kiba kyrpang kiba la pyndon kam mynta ka sngi. Ka Drone kala hap hapoh India 2700 meter na Khappud.
Haba ki shipai BSF kila plied ia kine ki ar tylli ki song kiba hap na ka Drone la shem ba ha ka song kaba nyngkong ki don, ki tikli pynbethei dynamite, ki sia pyndam sailieh, kawei ka Magazing, 9 tylli ki kuli, Tiar pynbethei ba khia 2.640 kilo, ka pisa India shilak, bad kiwei kiwei ki tiar.
Na ka song kaba ar, la shem ba ka don kawei ka pistol kaba la shna ha China, kawei ka Magazine jong ka pistol, 13 tylli ki kuli, ki Tikli ban siat dynamite, ki tiar pynbethei kiba khia haduh 2.110 kilo bad kiwei kiwei ki tiar la ioh ban kurup na kitei ki seng la ong ki BSF.
