Shillong, Risaw 18: Ka iing dorbar jong ka KHADC mynta ka sngi kala pynpaw ia ka jingsngewsih halor ka jingkhlad noh jong u bah Markus Lyngdoh MDC barim jong ka Nongpoh Constituency. Ia kane la wanrah da u nongialam jong ka iing u Bah PN Syiem u ba long ruh u CEM hapoh jong ka KHADC.
Ha ka jingkren jong u Bah PN Syiem u la ong ba kum ka iing kan sap hah da ka jingthoh sha ka iing ka sem jong u Bah Markus Lyngdoh halor kane ka jingkhlad ba kyndit ka jong ba kum ka iing hi baroh kawei ka pynpaw ia ka jingduh kaba khraw da ka jingkhlad noh u u rangbah.
Kiwei kiba la ia shim bynta ha kane ka jingiakren hapoh ka iing dorbar u longu Bah PT Sawkmie MDC jong ka Mawlai, ka kong Rona Khyndeit MDC jong ka Nongpoh, ha ka jingkren jong kine ki ar ngut ki la ong ba kum u MDC ha kito ki snem u la noh shibun ki kam na ka bynta ka bha ka mait jong ki paidbah bad ka Council baroh kawei.
U Bah Markus Lyngdoh bam kwai ha dwar u blei u la long u MDC jong ka Nongpoh Constituency ha u snem 1972 haduh u snem 1978.
