Jowai, Naitung 02: ka Jaintia Students Union (JSU) seng kmie ka pynpaw ia jing sngewkmen, ha dien ka jingiai dawa na ka sorkar ban pynioh ia ka ja ka kynshew snam (blood bank) kaba pura ha poh Jaintia Hills District kala
urlong, hadien ba ka sorkar lyngba ka tnat ka koit ka khiah ka la pynioh ia ka lisen kaba pura naka Drugs & Cosmatic Dept ka sorkar Kmie na ka bynta ka ne ka Blood Bank.
ka seng ka la pynpaw ia ka jingsngew nguh ia ka Sorkar Jylla bad ruh
ia u myntri ka koit ka khiah jong kong ka jylla Bah A.L Hek, bad
kumjuh ruh ia baroh ki ba don kti ha ka ban pynlong ia ka ne ka kam ka
ba sei soh.
shuh shuh ka seng ka ai khublei kyrpang ia baroh ki nong shong shnong
jong ka ri lum Jaintia, kiba la iaishah bad ai ka kti kamon ka kti ka
diang bad iai don ha syndah jong ka seng lyngba ki buid ki bor ha ka
por ba ka Union ka ieng ban ialeh ban pynioh ia kane ka jaka kynshew
Snam (Blood Bank) ha Jowai, kham tam eh ha kipor ba ka seng ka pynbna
ia ki jingiakhih bapher bapher ban pynbor ia ka sorkar ban pynioh ia
kane ka jingdawa, kaba dei ka jingdonkam ka ba ha khmat eh, bad na ka
liang ka seng ka ai ia ka burom sha baroh ki nong shong shnong jong ka
ri lum Jaintia naduh ki barit haduh ki ba heh.
shuh shuh ka seng ka ai khublei ia baroh ki para dkhot jongka naduh
ki unit bad ki circle bapher bapher ki ba la iaishah bad trei shitom
naka bynta ka bha ka miat jong ka imlang ka sah lang, bad ka seng ka
ai ka jing iaroh bad kyrkhu kyrdoh ia ki ba kin nang lah ban iai
shakri na ka bynta ka ri bad ka jaidbynriew.
Bad kum Ka dak ban pynpaw ia ka jing sngewnguh ka seng ka la rai ban
ai snam ei ha kine ki khyndiat sngi kiban wan, bad ka seng ka kyrpad
bad iawer ia ki dkhot bad ki nong shong shnong jong ka ri lum jantia ,
ba kin sngewbha ban ia wan sha khmat da ka mynsiem ba shlur bad ka
mynsiem shakri iaki para mynsiem ban ai snam kylluid mynsiem ha kine
ki sngi kiban sa pynbna.(SP News)
