Shillong, Rymphang 27: Ka Mawshynrut Block Congress Committee ka iaroh bad sngewnguh ia ka jingtrei shitom jong ka Sorkar MUA-II hapoh ka jingialam basmati jong u Dr. Mukul Sangma kum u CM. ki dkhot ka MBCC ki la leit ia kynduh ia u CM ha Resubelpara.
U CM u la kular ban plie noh ia ka Police Station bad ia ka Mawshynrut Civil Sub-division hadien ka dorbar mang tyngka 2017. Ula ban ruh ba ka sorkar jong u ka dei ka sorkar kaba trei kam bad kan pynurlong ia kaba la mang ha u snem 2016-17.
Nalor kata u CM ula ai jingkyrmen ia ka memorandum jong ki nongialam shnong kiba shong ha ka shilynter ka Surok Riangdo-Bamil ban siangron katto katne kilometer. Kane ka surok ka pyniasnoh ia ki bynta ka East Garo Hills bad West Khasi Hills kaba lah ban kyntiew ia ka imlang sahlang bad ka ioh ka kot jong ki briew kane ka thain bad kan pynduna noh ia ki jingeh jong ki.
