Shillong, Naitung 26: Mynta ka sngi ki pulit jong ka jylla Assam kila wan kumba lai trok ban tur hapoh ka shnong Iongkhublie ban pynkhyllem ia ki dieng post ilektrik kiba la thung da ka MeECL hapoh katei ka shnong.
Ha kane ka jingjia ki paidbah ka shnong kila iamih kynthei bad shynrang ban pyrshah ia kane ka jingleh jong ki pulit Assam hynrei kim sngap bad kila kam ba kane ka shnong ka hap hapoh ka jylla Assam jong ka Kamrup District.
Ka Deputy Commissioner jong ka Ri Bhoi District ka kong RM Kurbah haba kren ha u SP News Agency kala ong ba kane shnong Iongkhuli kaba hap hapoh jong ka Umling Block ka hap hapoh jong ka Ri Bhoi District hynrei ki pulit Assam kila wan ban khanglad ia ka jingpynieng dieng post ilketrik hapoh kane ka shnong.
Ka DC jong ka Ri Bhoi Distrct ka kong Kurbah kala iathuh ba kala kren ia u DC jong u Kamrup District halor kane ka jingjia hynrei la pyneh ba kane ka dei ka jaka jong ka jylla Assam, halor kane kala pyntip noh sha ka sorkar ia kane ka jingjia ha shnong Iongkhuli.
Ban lait na ka jingiamynsaw bad kano kano ka jingjia kaba sngewsih ka DC ka la ong ba kala phah pynsangeh shipor ia kane ka jingtrei ban thung ia ki diengpost ilektrik da ka MeECLhapoh katei ka shong haduh ban da ia pynbeit da kumwei pat.
La ong ba ha kane ka jaka ki pulit jong ka jylla Meghalaya ruh ki don hynrei namar ka jingwan bun palat ki pulit Assam bad ban lait na ka jingia mynsaw ki kynthei khynnah kiba don ha katei ka por la bhah ban sangeh shuwa ia ka jingtrei bad mynta ki pulit Assam ruh kila mih na katei ka shnong.
Ha kane ka jingjia ki nongshong shnong jong ka shnong Iongkhuli kila pyntip sha u MDC jong ka Mawhati bad haba u la poi ha katei ka jaka u la ia kren bad ki pulit Assam hynrei na ka liang jong ki pulit Assam kila jan ia u na kti bad ong ba um dei ban tuklar haba la pan ia ki jingthoh ki pulit Assam kim lah ban ia kano kano ka jingthoh.
