Shillong, Rymphang 07: Ki paidbah jong kane ka nongbah Shillong, mynta ka sngi kila ia tuid sha ka “Digi Dhan Mela” kaba la pynlong da ka sorkar Meghalaya hapoh State Central Library ban pynsngewthuh ia ki paidbah kumno ban ia siew ia tda lyngba ki kor ki bor ban kham pynduna da kaba ia siew da ka pisa pliah.
Ha kane ka sngi don bun bah ki Bank kiba don ha kane ka nongbah Shillong, kum ka ICICI, Federal Bank, HDFC Bank, State Bank, Meghalaya Rural Bank bad kiwei kiwei kila ia poi ban ia shim bynta ha kane ka Digi Dhan Mela ban pynisha ki paidbah kumno ka rukom thep pisa bad sei pisa lyngba jong ki kor ki bor ha kane ka juk kaba mynta.
Kiba la poi sha kane ka Mela kiba bun dei ki samla kiba la ia khmih na kawei ka stall sha kawei pat ka stall ban ioh jingtip ia ka rukom pyndon kam ia kine ki kor ki kor ba mynta ba ka sorkar pdeng ka kwah ba ki paidbah kin iaid ha kane ka rukom siew pisa ban lait na ka iarah tyngka.
Kaba la khring eh ia ki briew ha kane ka Mela ka dei jong ka IDFC Bank , kane ka bank kala pyni paidbah ba kumno ki don ki kor ki bor jong ka ban thep pisa ban sei pisa bad ban phah pisa na kawei ka jaka sha kawei pat bad kane ka mashin kan lah ban trei kam wat sha ki nongkyndong ruh ha kaba ia internet kam biang.
Haba u SP News Agency u la ia kren bad ka kong B Mawlieh kaba dei ka District Coordinator jong ka Bharat Banking kala iathuh ba ia kane ka rukom thep pisa lyngba kane ka mashin la buh nyngkong eh ha ka shnong Lawbah kaba don sha rum jong ka Mawsynram. Kine ki mashim kin iarap ia ki to ki Banking Correspondent kaba ki bank kin thung sha kito ki jaka bym don Bank.
