Shillong, Jylliew 05: U publicity Secretary jong ka senglehnoh Hynniewtrep National Liberation Council (HNLC) kaba la shah niew beain ha ka sorkar u bha Sainkupar Nongtraw ha ka jingpynlait khubor ka jong u mynta ka sngi sha ki katto katne ki lad pathai khubor, u la ong ba ka seng da kawei ka jingmut ba ka seng kala tyrwa ia ka kyrteng jong u Bah Disparsing Rani ba un long u ksiang ha kane ka jingtruwa ia kren ia suk.
Haka juh ka porn a ka liang jong kane ka seng HNLC kala pynpaw ia ka jingsngew nguh ia ka seng khasi Mawsynram kaba la shim ia kane ka sien jam ban kren halor ka jingithuh ia ka jaid bynriew khasi ha ka jingthoh kaba la phah sha u myntri rangbah duh jong ka Ri India bad dei tang kane ka seng kaba la pynpaw ia ka jingnud ban kren halor kajingthung ia u ksiang ha kane ka jingtrwa ban iakren ia suk.
Ha ka juh ka por na ka liang jong ka seng HNLC kala kynthoh jur ia u myntri rangbah ka jylla ia ka jingbym leh ei ei halor kane ka jingtyrwa ia kren ia suk jong ka seng, deihalor jong kane ba ka seng kala phah ia kane ka jingkwah kren ia suk beit sha u myntri rangbah duh jong ka Ri bad u myntri khynnah kam poh iing jong ka sorkar pdeng. Ka seng ka ong ba ka jingjied ia u Disparsing Rani ban long ksiang ka dei ka rai ba la shim da ka seng baroh kawei la ong u bah Sainkupar Nongtraw Publicity Secretary,HNLC.
