Shillong, Rymphang 15: Mynta ka sngi kala don ka jingjia ba sngewsih ha kaba ar ngut ki rangbah kiba trei bylla ban pyndap iala ka iing ka sem kila duh ei iala ka jong ka jingim na ka daw jong ka jingtwa kynsan ka paw maw ha ka jaka kaba ki trei ha Lamlyer kaba don ha jan Mawlyngngad hapoh jong ka East Khasi Hills District.
Katkum ka khubor pulit la iathuh ba ha kane ka jingtwa jong kane ka paw Maw ka khyndew kaba twa kala tap kynsan ia ki bad kine baroh ar ngut kila shah tap ha ka khyndew bad kila khlad ha shen, kine kiba khlad la tip kyrteng kum u Bah Edwin Kharbihkhiew ba la 42 snem bad u bah Pynbhalang Kharsohnoh ba la 35 snem.
Ia ka met jong kine ki ar ngut kiba la khlad la wan rah sha Civil Hospital Shillong ban leh ia kaba don kam, la ong ba kane ka jingjia kala jia ha ka por jan miet mynta ka sngi.
