Shillong, Iaiong 11: Ka seng National People Party (NPP) kala shim ia ka rai ban pynieng kyrtong ha kane ka MLA election 2018 na ka 17th North Shillong Assembly Constituency sha ka iing dorbar thawain jong ka jylla ka Meghalaya Legislative Assembly.
Kum ka jingpynkhreh ia kane ka elction ka seng kala thaw ia ka committee kaba kyrpang ban peit ia kane ka kam ha ka jingialang kaba la long ha iing jong u Bah Erwin K. Syiem Sutnga kaba don ha Umsohsun.
Na ka liang jong ka party kala thaw ia ka committee kaba shipor ha kaba la thung ia u bah Shaiphar Rani kum u sharman, u Bah Gordon Kharshandi kum Vice Chairman ban peit ia ka dong ba sha tei bad u bah Andrew Donald Marwein kum Vice Chairman ban peit ia ka bynta ba shathi bad la jied ia u Mohan Lilani, kum u secretary bad u Bah Andrew Donald Marwein, kum u nongpyniaid, la jied ruh shibun ki nongkit kam ha kane ka committee.
Ha kane ka jingialang ka committee kala ia kren ka jinglong jingman jong ka sain pyrthei ha kane ka jylla bad ha dien kane ka jingiakren la shim ia ka rai ba ka party ka dei ban pynieng kyrtong ha kane ka election ka ban wan bad la tyrwa ia ka kyrteng jong u Bah Erwin K Syiem Sutnga ba un long u kyrtong jong ka party na kane ka 17th North Shillong Constituency.
