Tura, Lber 4: Ka jingmih ki seng lehnoh na ka por sha ka por ha Garo Hills ka long ka jingma kaba khraw bad kane ka long ka jingeh kaba ki paidbah ki ia kynduh. Na ka liang jong u nongialam jong ka seng NPP u James K Sangma u la ong ba u mytnri rangbah ka jylla u Dr Mukul Sangma u dei ban shim ia ka jingkit khlieh ia kane ka jingmih ki seng lehnoh kiba kum kit id ha Garo Hills.
U James u ba dei u nongbat shabuk jong ka liang pyrshah hapoh ka iing dorbar thaw ain ka jylla u la kynnoh ba kine ki jingmih jong ki seng lehnoh dei ka jingleh jong ka seng Congress u la kynnoh bad la ong ba u Dr Mukul u long u bat lot ha ka jingbat ia ka kam synshar khaddar.
Ka jingslem ha ka jingiakren ka suk kala pynlong ban mih shibun ki seng lehnoh ha Garo Hills, ia kane ka jinglong ka shong suk shong sian ha Garo Hills kin ia kren ha kane ka sien shong dorbar kan ban sa long shen.
U tei u MLA jong ka NPP u la ong ba lada kane ka jingia mih ki seng lehnoh ka dang iai bteng kan nym lait na ka jingshah niew ia ka Garo Hills kum ka jaka ba don jingma.
Na ka liang jong ka kong t Agnes Kharshiing kala ong ban pynlait ia ka jylla na kane ka jingeh ka dei tang da ka jingiakren, yn nym lah ban shu ieh kumne kumba ka long mynta.
Kumba ka long mynta ka Garo Hills ka la mad ia kane ka jingeh kumba 20 snem lynter bad ka long kaba eh ha kaba ki riew paidbah ki shah pyniap ha kaba kim lah ban siew ia ka jingdawa jong ki lehnoh.
Ka wei pat ka nongtrei mon sngewbha ka Jaynie Sangma ka la ong ba kin dang iai bteng ia ka kam jong ki ban trei na ka bynta ban wanrah ia ka jingsuk ha Garo Hills bad kin nym kynran dien ban poi sha ka thong.
Haba ia dei bad ka jingtyrwa ia kren ia suk jong ka seng GNLA katei ka nongialam seng bhalang na Garo Hills kala ong ba ki sngewtynad, hynrei ka jingkylli ka long ba lei ka sorkar pat ka sngap jar jar ia kane bad lada ka seng GNLA ka leh kumba kala byrngem kan nang pynsiew shuh shuh.
U nongialam jong ka seng FKJGP u Bappun Sangma u la ong ba ka sorkar ka dei ban kren shai ha kaba ia dei bad ka jingiakhun pyrshah ia ki kam lehnoh ha Garo Hills, la biang te la biang ki paidbah kila jynjar, u la ong .(SP News)
