Shillong, Risaw 19: U Deputy CEM jong ka KHADC u Bah Process T Sawkmie mynta ka sngi ha ka por Zero Hours kaba la wanrah da ka kong Telenia Thangkhiew halor ka jingthep ia ka pisa jong ka Council sha ka account jong u riew shimet, u la ieng ban kren bad dawa na u EM ba dei peit ia ka pla pisa jong ka Council un aiti noh ia kane ka portfolio sha CEM.
Kane ka jingdawa ka jong u Bah Process u ba dei u Deputy CEM hapoh jong ka KHADC, ka long halor ka jingdawa jong ki liang pyrshah bad ki dkhot jong ka liang synshar ba dei ban thung ia ka kynhun tohkit kaba laitluid ban tohkit ia kane ka kam.
Kane ka jingieng u Deputy CEM jong ka KHADC ban kren ha ka por zero Hours kala pynlong ia ki MDC ba don hapoh ka iing dorbar ba kin kyndit, bad kala pynlong ia u CEM barim MDC jong ka Jaiaw u Bah Adelbert Nongrum ban ong b aka rule kam shah ia ki dkhot jong ka EC ban kren.U Bah Adelbert Nongrum u la ong ba lada u Dy CEM u kwah ban kren u la dei ban hiar shuki noh kum u EM.
