Shillong, Naiwieng 26: U Working President ka party KHNAM u bah Thomas Passah mynta ka sngi u la leit ban ai ia ka jingujor sha u Executive Member ba dei peit ia ka khaii pateng halor ka jingmih kynsan ki dukan ha Themmetor mar ia plie ban iaid kali na katei ka surok.
Haba kren ha ki lat pathai khubor ha dien ba la dep ban ai ia ka jingthoh sha u EM ba dei peit ia ka khaii pateng la ong bala ioh ban bun bah ki dukan kila mih bad kiwei kiwei ki khaii pateng ha katei ka jaka da kiwei ki jaid bynriew.
Na ka liang ka KHNAM kala kyndu u EM ba dei peit ban phah tohkit ia kane ka jingmih kynsan ki dukan ha katei ka thian, namar ki nongkhaii bym dei ki Khasi ki hap ban bud ia ka kyndon ain katkum ka ain Trading by Non Tribal Regulation 1954.
Kala don ka jingsuba ba bun kiba khaii ha katei ka jaka kin don ia ka Trading License kaba ki die ban ioh ia KHADC, na party ka khmih lynti ba ka tand khaii pateng jong ka KHADC kan leha ia kaba don kam katkum ki kyndon ka ain.
