Shillong, U nongialam ktien ka ri France ba dei peit ia ka ophis kaba don ha Kolkatta ha ka jingwan jngoh ka jong u ia ka thain shatei lam mih ngi ka Ri India bad ia ka jylla Meghalaya mynta ka sngi u la leit ban jngoh ia ka Law kyntang ha Mawphlang ha ka jingiadon lang u bah John F Kharshiing.
Ha kane ka sngi la don long u S Sohliya Myntri, Hima Mawphlang, Na ka liang ka Hima Mawphlang la pdiang sngewbha ia kitei ki longheh na France da u Myntri S Sohliya, bad kiwei ki dkhot ka Hima bad la synran lang ia ki da u Bah Tambor Lyngdoh, founder Mawphlang Sustainable Tourism Societies.
U Bah Tambor Lyngdoh u la ai sngewbha ia u Ambassador Thierry Mathou ka kot collection of knowledge on Khasi Herbal Plants, stories and poems kaba u la pynmih. La ialam ruh ia u French Ambassador bad kiwei shapoh ka heritage Village, Hadien ki la leit peit ia ka dam Mawphlang ka dam kaba bsa um ia ka Sor Shillong baroh kawei.
Ha katei ka jaka u Bah John F Kharshiing u la ai ia baroh ar ngut ia u nongkit ktien ka ri France u Thierry Mathou bad u Counsel General Mr Didier Talpain. ka kot The Khasi States – A Brief Historical Timeline – 1771 to 2017.
Ki ophisar jogn ka ri France ki la dap da ka jingkmen ban iohi ia kane ka spah mei ramew bad ban ioh ban iaid hapdeng ka lyer kaba khuid bha kaba la pynshlur ia ki ban iaid kjat katto katne por hapdeng ka jingshoh beij ia ka jingitynad ka Law Lyngdoh Law Kyntang Mawphlang Sacred Forest bad ka dam Mawphlang.
Hadien ba wanphai sha sor shillong ki la ioh lad ban ia kynduh bad u Bah Donald Wahlang, IAS, Chief Secretary , Govt of Meghalaya, ha ka jingiadon lang u Dr Vijay Kumar D, IAS, Commissioner, Finance, Planning, Sports.
Ha kaba ki la ioh ka jingiasyllok kaba sani bha halor kiba bun ki phang treikam bad la ioh jingiakren ruh halor kumno ban ioh ka jingiatreilang ha ki kam kilan sports. Kitei ki jingiakren ki la long kiba seisoh bad ai jingkyrmen ia ka jylla Meghalaya.
