Shillong, Kyllalyngkot 18: Ka All India Trade Union Congress (AITUC) kala phah da ka jingthoh sha u myntri rangbah ka jylla u Cornad K Sangma ba dei peit ia ka tnad pla pisa ka sorkar jylla ia ka jingbym pyntreikam ia ka bai bylla sngi kumba la ia kren.
Ha ka shithi bala phah sha u myntri rangbah ka jylla ka AITUC kala pynpaw ia ka jingsngew lyngdoh ba ka jingpynbna ka sorkar bala pynkiew ia ka bai bylla kam long katkum ka jingiakren haka Minimum Wages Advisory Board (MWAB).
Ha kane ka jingialang na ka liang jong ka sorkar la wan mih khmat daka u C. Songate IRS, ba dei Principal Secretary ka sorkar jylla kaba la long ha ka 24/Nailar/2024 ha Conference Hall ha Secretariat.
Ha kane ka jingialang la ai mynjur ba ia ki bympat nangia ka jingtrei kan long T.681/- tyngka, ia kiba la sdang ban nang T.749 tyngka, ia kiba la nang T. 824/- tyngka bad ia kiba la tbit bha ha ka kam kan long T. 906 tyngka shisngi.
Na ka liang ka AITUC kala pdiang ia katei ka rai kaba la ia kren ha ka jingialang ka MWAB namar ha katei ka dor la lah ban pyndap ia ka iing ka sem tang ban biang, Hynrei kaba sngewsih ka long bay n da la pynmih ia ka jingpynbna sorkar ka long da khongpong.
Ha ka jingialang kaba la long ha ka 15/Kyllalyngkot/2025 ka AITUC kala shim ia ka rai ban thohsha ka sorkar ba ka dei ban pyntrei kam ia kaei kaba kila ia kren ha ka jingialang, kane ka long katkum ka kyrwoh kaba la phah da ubah R Thabah Secretary ka AITUC.