Shillong, Nohprah 09: Ki pulit kila ioh ia ka jingujor na ka Deputy Secretary ka kong J. Wanswet, ba dei peit ia ka tnad pla pisa jong ka sorkar jylla ba Account Officer jong ka tnad Water Resources Department u dawa pisa na ki kontrator ban pynlait ia ka bill ka jong ki.
Ka Deputy Secretary kala ai ia kane ka jingujor jong ka halor ka kaiphot kaba la phah da ka Crime Investigation Department bad ka Anticorruption Branch jong ka sorkar jylla, la bthah ia ka Deputy Secretary ba kan ai noh da ka FIR pyrshah ia u Daniel N Sangma, Accounts Officer, u ba dei peit ia ka ophis jong u Executive Engineer, Water Resources Division, PHE, Baghmara South Garo Hills District, bad kdew ba u tei u ophisar u dawa pisa na ki kontrator ban pynlait ia ki bill jong ki.
