Shillong, Iaiong 15: Ka Khun Hynniewtrep National Awakening Movement (KHNAM) Youth wing mynta ka sngi ka 15 tarik u Iaiong 2024 ka la ioh ban leit ia kynduh ia u deputy Director jong ka North Eastern Indira Gandhi Regional Institute of Health bad Medical Science (NEIGHRIMS).
Ha kane ka jingleit ban ia kynduh ia u deputy Director jong ka NEIGRIHMS la ialam da u President jong kane ka seng u bah Thomas Passah ha ryngkat ki dkhot jong kane ka seng.
Ka jingthmu jong kane ka jingleh ban ia kynduh ia u ka long ban ia kren halor ka jingioh kontrak jong uwei naki briew na bar jylla ha kawei na ki department ka ba don hakane ka Hospital bad halor kane ka bynta ka la don ka jingweng ka ia ki kato katne ngut ki ba la trei la kato katne snem.
Ha ba ioh ban iakren bad ki nongthoh khubor na ka liang u bah Thomas Passah u la ong ba kat kum ka jingioh jingtip jong ka seng ba u don u wei na ki briew ki bymdei na kane ka Jylla ki la ioh ia ka ka contract hapoh jong kane ka Hospital khlem ki kot kisla ki ba biang.
U la ong ruh ba kane ka jingle jong ka Hospital ka long kum ka jingthmu ban beh noh ia ki Khasi ki ba la trei ha kane ka Hospital. U la ong ruh ba hadien ba la ioh ban ia kynduh bad u Deputy Director jong ka NEIGHRIMS na ka liang jong u, u la pynpaw ba hadien u ne u briew u la dep ban ioh ia kane ka contract na ka liang ki borpyniaid ka hospital ki la ai por ia u hapoh ka ar bnai ban pynbiang ia ki kot ki sla ba ki dei ban ioh na ka District council.
U bah Passah kumta u la kyntu ia ka District Council ba da lei lei kam dei ban ai ia ka Trading License sha une u bar Jylla. U la ong ruh ba na ka liang ka seng KHNAM kan buddien ia kane ka kam ha ka ba kan ialeh ban khanglad ban ai ia ka Trading License sha une u bar Jylla.
u la ong ruh ba na ka liang ka KHNAM ka la dawa ba na ka liang ki borpyniaid jong kane ka Hospital ba kimdei ban weng ka ia ki briew ki ba dei napoh ka Jylla la da long ha kano kano ka rukom ruh.
U bah Passah u la ong ruh ba kala don ka jingthmu ban behkam noh ia ki khasi ki ba trei hakne ka Hospital. Kumta u la kyntu ia ka District council ba kam dei ban ai ia ka Trading License sha une u bar Jylla bad lada ka council kan ai ia kane ka License sha une u bar Jyll ana ka liang ka KHANM kam banse ban leit ban khang tala noh ia ka Trade Deartment hapoh jong kane ka council.
