Shillong, Jylliew 28: U wei na ki nongtrei mon sngewbha na Garo Hills u Flaming B Marak u la phah da ka jingujor sha u nongbishar u Katakey, lyngba u Chief Secretary jong ka sorkar jylla ha kaba u la kynnoh ba ka don ka jingtih dewiong beain ha Darengre ha Chokpot.
Ha ka shithi ujor kaba la u la phah ba wat ha pdeng ki mukotduma PIL No. 2 jong u snem 2022 hapoh ka High Court ka jylla Meghalaya, la kynnoh ba ka jingtih dewiong beain hapoh ka shnong Jetra, Udugre ha Chokpot jong ka South Garo Hills.
U Flaming ha ka shithi kaba u l phah sha ka u nong bishar u Katakey la thoh ba haduh mynta ka jingtih dewiong beain ka dang iai beteng, kane ka kren shai ba ka sorkar Meghalaya kam shym la shim khia ban khanglat u la kynthoh kane ka jingtih dewiong beain kala ktah ia ka mariang.
Na ka liang jong u Flaming B Marak u la kyrpad ia u nongbishar ba shim khia kane ka jingujor ka jong u da kaba phah tohkit ban phah ia ki briew sha katei ka jaka bad ia ka kaiphot dei ban ai sha ka iing bishar jong ka High Court ka jylla Meghalaya.
