Shillong, Jymmang 22: Kum shibynta jong ka jinglehburom ia ka jingdap 75 snem jong kane ka kynhun shipai Assam Regimental Center kaba don ha Shillong, ki khynnah skul jong ka Sainik Skul jong ka Jylla Nagaland ki la wan jongoh lai sngi lynter naduh ka 16 haduh ka 18 tarik mynta u bnai.
Kine ki khynnah skul kiba la wan baroh kilong 115 ngut, ha kine ki lai sngi la haikai ia ki ha kaba ia dei bad ka kam shipai jong kane ka ARC kawei na ki kynhun shipai kabarim tam ha kane ka thain.
Na ka liang jong ka ARC kala ialam jngoh kai ruh sha ki jaka bapher bapher jong kane ka nongbah Shillong kyntup ruh iaka Sohra ka jaka ba jur slap, kine ki samla pule kila ioh shibun ki jingmyntoi ban sngewthuh ha kaba ia dei bad ki kam shipai.
