Tura, Risaw 07: Mynta ka sngi ar ngut ki nongialam jong ka seng lehnoh GNLA u Zen Roberth CH Marak ia kaba la khot sin u Rupanto bad Armindra B Marak iakaba la khot sin kum u Rangdat kila wan ban pyndem ia lade ha khat jong ki pulit jong ka East Garo Hills District. Kine ki ar ngut kila wan ban pyndep ryngat ki tiar ialeh.
Kine ki ar ngut ki lehnoh kila wan ban pyndem mynta ka sngi ha ka por mynstep bad kila wan aiti ruh ha khmat jong ki pulit ka East Garo Hills District, kawei ka pistol 9mm, ki kulit kiba khlem pat pyndon kam bad kiwei kiwei de ki tiar kum ki mobile.
Ki lad khubor ki iathuh ba kane ka jingwan pyndem jong kine ki nongialam jong ka seng GNLA, ka long ha dien ba ki bor pulit jong ka jylla kila trei tyngeh ban khyndang ia ka jingdon jong ki seng lehnoh ha kane ka District.
U Zen Robeth CH Marak u dei na Nengnandalgre jong ka East Garo Hills bad u Armindro B Marang u dei na ka shnong Damal Asim jong ka West Garo Hills District.
La ong ba kine ki ar ngut ki nongialam jong ka GNLA, la antad ba ki ia don lang ka ktem jong ki ha East Garo Hills ha kaba kala don ka jingiather kuli hapdeng ki pulit bad ki lehnoh ha kaba u wei na ki dkhot jong ka seng lehnoh GNLA u la kyllon iap.
