Shillong, Jymmang 09: Ka seng HNLC mynta ka sngi kala duh noh ia u wei na ki nongialam jong ki, u Bah Combart Syad u ba la bat ia ka kyrdan major hapoh katei ka seng u la wan ban pyndem ia lade ha khmat jong ki pulit jong ka East Khasi Hills District, ha khmat jong u SP u Davis NR Marak.
Une u nongialam jong ka seng HNLC u ba la wan pyndem ha khmat jong ki pulit mynta ka sngi u la wan tang u briew khlem wanrah kano kano ka tiar ia leh. U Bah Combart u la rung sha ka seng HNLC ha u snem 1996, u dei na ka shnong Sonatila, jong ka Patharkandi Karimganj na ka jylla Assam.
U ne u nongialam jong ka seng HNLC u ba la wan ban pyndem ha khmat jong ki pulit ha dien ba u la don hapoh jong ka seng ha kine ki 21 snem lynter u la don ha kti jong ki pulit bad na ka liang jong ki pulit kin sa dang tohkit ha kaba ia dei bad ka jingtrei kam jong ka seng HNLC.