Shillong, Naiwieng 04: Na ka daw jong ka jingkhynra jong ki pulit ha ki ar tylli ki District hapoh jong ka East Garo Hills bad South Garo Hills District bun ki dkhot jong ka seng lehnoh GNLA mynta kila sdang ban wan pyndem ha khmat jong ka ain.
Ha kane ka sngi u wei u dkhot jong ka GNLA ia kaba la tip kyrteng kum u Martin K Sangma u la wan ban pyndem ha khmat jong ki pulit jong ka East Gao Hills District ha kaba aiti noh ruh ia kawei ka pistol shna hi bad ki kuli.
Dang shen san ngut ki dkhot jong ka GNLA kila wan ban pyndem ha khmat jong ki pulit jong ka East Garo Hills. Ka jingkhynra ia ki khlaw bad ia ki jaka ba ioh jingtip ba don ki lehnoh da ki pulit ka la dang jur mynta bad kane kala pynlong ia kiba bun ki lehnoh kin wan sha khmat ban pyndem wait.
