Jowai, Jylliew 22: ka Khasi Student’s Union Jaintia Hills District Unit kala leit ban hiar sha ka Shnong Moojem , Block 1 naka bynta ban pynkha iaka shnat treikam thymmai jong ka hakatei ka Shnong khappud bad ka Assam.
Ha katei ka sngi ka Seng kala ioh ban pynshkem ia kumba palat 37 ngut ki dkhot bad Ki nongkitkam ka Seng haka tei ka unit thymmai.
Ha shwa ban don ka jingpynshkem iaki nongkitkam thymmai la don ruh ka jingialang hakaba la ioh iaka jingkren na u Samla Justice Paul Lyngdoh Education Secretary KSU Laskein circle, Samla Simon Kharsohtun President KSU Delhi unit, Samla Rapborlang Nongrum GS Mawlai Circle, bad la ioh ruh iaka jingpynshkem iaki dkhot thymmai da u Samla Sonstar Nongkhlaw, Asst Education Secretary CB kat ba iaka jingialang La pyniaid da u Samla Joshwa Lathong President Sahsniang Unit
U Samla Sonstar Nongkhlaw haba ai jingkren hashwa ban pynshem iaki dkhot thymmai u la ong ba kum ki dkhot kimdei ban sheptieng iaki jingpyntieng kohtympan ki pulit Assam iaki namar ula ong ba lada ia tieng mynta ki pulit Assam ki la nang iohbor shuh shuh bad Kane ka jingsheptieng kan nang iai Jur shuh shuh khamtam haki pateng ba dangwan jong ngi namar la long kumba la ailad iaki pulit Assam.
Ula kyntu ruh iaki Rangbah Shnong ka thain block 1 ban nympdiang tohhoh iaki skim pynroi ka Sorkar Assam hynrei dei ban kyntait mardor iaki khnang ba ka Sorkar Assam kam lah ban ioh kabu ban kam ei iaki jaka.
” Phi dei ban bud iaki nuksa ka Shnong Mowlber bad Psiar , namar kine ki Shnong ki la kyntait iaki skim pynroi ka Assam kata naduh ka light, ki Skul bad kiwei kiwei” la ong shuh shuh utei u Samla.
Utei u Samla ula iaroh ruh ia u MLA ka thain u Bah Robinus Syngkon iaka jingshimkhia jong u ban pynioh iaki skim pynroi iaka Shnong Mowlber bad Psiar kum ki Surok Kali, ki madan phutbol bad Ki umbam ki umdih iakaba kiwei ki MLA kimjuh eiei baroh shi katta.
Hakane ka sngi la iadon lang ruh ki Rangbah Shnong ka Shnong Moojem, Deinler bad Shnong Moolain.
Ki nongkitkam ka KSU Moojem unit ki long u Samla Kriko Tamaha kum u President, Samla Heidathmu Lathong kum u Vce President, Samla Bhawan Langstang kum u General Secretary, Samla Thmulang Suchiang Asst Secretary bad kiwei kiwei ki nongkitkam.
