Shillong, April 05: Ki pulit kila ong ba kila lap ba ki don ki briew kiba la pynsaphirang ia ki dur ki bym dei hapoh ki social Media da ka jingthmu ban wanrah ia ka jingklumar jingmut ha ki paidbah. Ki pulit kila lap ba don kiba pynkhriang ia ka dur jong kawei ka kynthei briew kaba per ha sla um ha rud wah bad ia ka dur jong I khunlung ba dang kha ha pain khana.
Ka jingkynthoh kiba la lap da ki pulit baroh ki long ki bym don nongrim haei haei ruh, ka dur jong ka kynthei kam dei kaba la jia hapoh jong kane ka District bad ka dur jong u khunlung kadei kaba la jia ha u snem 2016 ha kaba ki pulit kila register case bad kem ia ka kmie kaba la leh ia katei ka kam jaboh.I khunlung la ioh ban pynlait da ki pulit bad ine I khunlung ishait ia khlain bad mynta I la don bad kiba ha iing ha sem.
Na ka liang jong ki pulit kila kyntu ia ki paidbah ba kim dei ban pynphriang kulmar ia kino kino ki dur khlem da pynshisha, kito kiba leh kin ngat ha ka kyndon jong ka IPC kaba 505 ha kaba kin shah set patok lai snem lynter ryngkat ka kumna.
