Nongpoh, Jylliew 20 Ka jingthmu jong ka sorkar ban pynurlong ia ka jingkwah kiba bun balang jong ka them Ri-Bhoi ban thaw thymmai sa kawei ka Community & Rural Development Block, ka ban buh ha Umroi Constituency, ka la pynlong ia ka Synjuk ki Rangbah Shnong, Eastern Ri-Bhoi ban ia pyrkhat ia kane ka kam na ka bynta ki kam pynroi ha katei ka thaiñ.
Kumta na ka liang ka SRS, Eastern Ri-Bhoi ka la pynbeit ban pynlong ia ka jingialang jong baroh ki Rangbah Shnong na Ri-Bhoi Mihngi ha ka 21 tarik Jylliew ha ka por 2 baje janmiet ha ïingdorbar Lumdaitkhla, Bhoirymbong ban pyrkhat sani bha halor katei ka kam.
U Bah Field Marshall Mawphniang uba long u president ka SRS Eastern Ri-Bhoi, u la wer lang ia baroh ki Rangbah Shnong kiba hap ha ka Umroi Constituency bad katto katne kiba dei na Mawhati Constituency tangba ki dei pat ha ka shatri jong ka SRS Eastern Ri-Bhoi kum na Liarbang, Khlieh Umstem, Mawlasnai, Umtngam, Tyrso bad Block II baroh kawei ba kin ia wan khnang khnang sha katei ka jingialng ka ban long ha ka Sngi
Saitjaiñ.(SP News)
