Shillong, Kyllalyngkot 29: Kam myntoi ban pyrta ieid jaidbynriew Lada baroh ki 60 ngut ki MLA, 90 ngut ki MDC Khasi Jaintia & Garo kynthup ki MP lai ngut kim nud ban dawa na Sorkar India ban pynrung pynpaw ka dulir Instrument of Accession bad Annexed Agreement hapoh ka kyrdan article 370 Jong ka Constitution Ri India, Kum shibynta ban iada ia ka jaidbynriew kyrpang na ka Citizenship Amendment Bill 2016.
Kam ban pyrta ieit jaidbynriew ka la jan bad ki sim pah ki ba bun rong kin poi kylleng ka jylla khamtam ha ba la jan ka election MDC.Ka long shisha kaba lyngoh ba haduh kine ki sngi ngim don ka jingiakren ban pyntylli biang ia ki ar District Council kata KHADC bad JHADC ba Kan long noh tang kawei kumba la pruid dak u Rev JJM Nichols Roy, uba la pyrta ban ioh sixth schedule ban ioh ka United Khasi Jaintia Autonomous District Council, hynrei katei ka jingthmu ban pyniatylli is ka jaidbynriew ka la pulom namar ka politic hapoh UK & J HADC namar ka jingiaknieh shuki.
Haba phai pat sha ka jingpyrshah ia ka Citizenship Amendment Bill la sngew ban pynshai ba wat ia ka Citizenship Act 1955 ruh ka ia tyngkhuh ban ki Riti Dustur kum ka jaidbynriew.
Ka Federation of Khasi States ka pynpaw bad pynsngew Sha ki paidbah ban dawa ba baroh ki 60 ngut ki MLA, 90 ngut ki MDC Khasi Jaintia & Garo kynthup ki MP lai ngut ki dei ban dawa na kanSorkar India ban pynrung pynpaw ka dulir Instrument of Accession bad Annexed Agreement hapoh ka kyrdan article 370 Jong ka Constitution Ri India.
Kum shibynta ban iada ia ka jaidbynriew kyrpang na ka Citizenship Amendment Bill 2016. Khamtam ki MLA Khasi bad Jaintia ki la dei ban rah shisur ia kane hakhmat ka Assembly ban ai da ka Rai (resolution) sha ka Sorkar India.
Lada ym pat sngewthuh ki lah ban wan pan jingshai na ka office ka Federation of Khasi States. Kam myntoi ban ia pyrta ieid jaidbynriew ha ki rynsan lada ia ka nongrim la Jong ngim pat shai. La ong u Bah John Kharshiing ha ka khubor kaba la pynlait mynta ka sngi.
