Shillong, Kyllalyngkot 31: U Myntri rangbah jong ka jylla u Dr Mukul Sangma un plie ia ka Umroi C&RD Block la shai ka sngi ha Khapmara kaba hap hapoh u pud u sam jong ka Bhoirymbong. Ha ka jingshisha ia kane ka block la hap ban plie mynta ka sngi hynrei na ki daw kiba ym lah ban kiar larah noh sha ka la shai ka sngi.
U MLA jong kane ka jaka u Bah Ngaitlang Dhar haba kren ha u SP News Agency u la ong ba ha ka jingshisha la buh ban plie ia kane ka Block mynta ka sngi, hynrei na kid aw kiba ym lah ban kiar u myntri rangbah ka jylla u Dr Mukul u la pynkynriah noh la shai ka sngi.
Da kane jingplie ia kane ka Block la shai ka sngi ka Ri Bhoi District kan don noh saw tylli ki Block, ia kane ka Umroi C&RD Block la phiah na ka Umsning C&RD Block. Kiwei ki block ki long ka Jirang C&RD Block, ka Umling C&RD Block.
Ki Block thymmai kiban plie sha kine ki bynta jong ki lum ka Khasi kumba la kren da u myntri rangbah hapoh iing dorbar, ki long ka Umroi, Mawlai , hynrei mynta kan don ruh sa ka Block hapoh Sohiong. U myntri rangbah ka jylla u la dep ong ba kine ki block baroh kin sdang ban trei kam naduh ka shitarik jong u bnai Iaiong.
