Shillong, Iaiong 23: U Rakkam Sangma u nongialam ka seng NPP u ba dei ruh ha ka juhkapor u Myntri ba dei peit ia ka tnad Pule puthi jong ka sorkar Jylla u la pynpaw ba ha kane ka election jied nongmih khmat sha ka Lok Sabha ka ba dang shudep shen kalah ban don ka jingiakhun ha pdeng ka Congress bad ka NPP ha Tura Parliamentary constituency.
U Rakkam u la ong ruh ba umlah ban shaniah bala ka seng BJP ka la ai ne em ka jingkyrshan ia ka kyrtong jong ka NPP na Tura ka Agatha Sangma. U la ong ruh ba lada ka NPP kan jop ia kane ka MP election kan tam tang da ki khyndiat vote.
La ong ba kila don ki briew jong ka AITC ki ba la ai ka jingkyrshan ia u kyrtong jong ka Congress. U la ongruh ba kala don ka jingialam bakla ia u paidbah halor ka niam bad kiwei kiwei pat ha kaban ialeh pyrshah ia ka NPP.
U la pynpaw ruh ba kane ka Election MP ba mynta ka longshisha ka jingiakhun ka ba jwatbha bad ka ba sngew tynnad bad u la ong ruh ba lyngba ka jingkyrkhu u blei u kyrmen ba ka NPP kan poi sha ka thong ban ioh ia ka jingjop ha kane ka Election MP ba mynta.
Kum ban shupynkynmaw ba ka congress ha kane ka MP Election ka la pyniakhun da u Saleng Sangma u ba dei u MLA na Gambegre pyrshah ia ka Agatha Sangma ka ba dei ka MP napoh ka Tura ki don ruh kiwei pat ki ba la wan ban ia aireng ha kane ka MP election ba kynthup ia u Zenith Sangma na ka AITC
